Вялізная размалёўка (Гарадскі транспарт + Машыны-памочнікі) 50 × 70 см

Описание

Вялізныя размалёўкі - цудоўная ідэя для дзіцячай творчасці! Яны будуць спрыяць развіццю творчых здольнасцей, развіваць дробную маторыку, фарміраваць мастацкі густ. Іх можна раскласці на падлозе або вялікім стале, а можна прымацаваць да сцяны і ператварыць чорна-белы малюнак у яркую карціну. Кожная з размалёвак мае вялікі пазнавальны і выхаваўчы патэнцыял.

Размалёўка "Машыны-памочнікі" пазнаёміць дзетак з тэхнікай, якая дапамагае людзям у гаспадарчай дзейнасці. Па гэтай размалёўцы можна правесці гутарку пра прафесіі (будаўнік, шафер, трактарыст, даярка, дарожны рабочы і інш.), можна вывучаць назвы машын, якія вырабляюцца ў нашай краіне, а таксама іх прызначэнне (БелАЗ - кар'ерны самазвал; МАЗ - самазвал, малакавоз, платформа пад будаўнічы кран; Палессе - камбайн і г. д.).

Размалёўка "Гарадскі транспарт" дапаможа распавесці пра розныя віды транспарту (у тым ліку электробус), а таксама пра работу камунальных служб, пажарных, міліцыі, хуткай дапамогі.